HTA – Shanghai Speech and Debate Invitational
2025 жылғы 29–30 қараша, Шанхай, Қытай

Арлан Құдабаев, Данеш Ауэзова және Дарина Оспанова қатысқан HTA A командасы бес раундтың үшеуінде жеңіске жетті. Зара Елунин, Герей Татишев, Динара Хакимова және Тимофей Щербининнен құралған HTA B командасы екі раундта жеңді.

Турнир командаларға халықаралық регламентке сай дағдыларын бекітуге мүмкіндік берді.
Сонымен қатар HTA атынан Алихан Казенов – Minerva Baccalaureate бағдарламасы бойынша әлеуметтік ғылымдар мұғалімі және дебат жаттықтырушысы – қазылар алқасына жетекшілік етіп, финалдық раундтың бас төрешісі болды.

Asian World Schools Debating Championship
2025 жылғы 29 шілде – 2 тамыз, Бангкок, Таиланд
20-дан астам елден 64 команда қатысты.

High Tech Academy-дің бес оқушысынан құралған команда Бангкок қаласында өткен Asian World Schools Debating Championship халықаралық турниріне қатысты. Турнир Азия, Еуропа, Африка және Таяу Шығыс елдерінің мектеп оқушыларын біріктірді.

Іріктеу кезеңдерінде HTA командасы Оңтүстік Африка мен Үндістан командаларын жеңіп,Қытай және Корея командаларына жол берді.

Жеке рейтинг нәтижесі бойынша:
— Софи Кожевникова — 2nd Best Novice Speaker
— Дания Токсан — Top 10 Best Novice Speakers қатарына кірді.

2025 жылдың 3–4 мамырында Қытайдағы Nord Anglia Shanghai International School базасында өткен Shanghai Speech and Debate Invitational халықаралық турнирінде HTA командаларының жетістіктерімен мақтанамыз.
Азияның алты елінен келген 450-ден астам спикер қатысқан бұл додада біздің оқушылар табандылық, мақсаткерлік, көп сағаттық дайындық және сенімді дәлелдерімен халықаралық деңгейде өздерін тамаша көрсетті.
HTA Onyx — турнир чемпиондары!
HTA Onyx командасы керемет нәтиже көрсетті — бес іріктеу кезеңінде де жеңіске жетіп, ширек финал, жартылай финал және финалды сенімді түрде жеңіп шықты. Бұл жеңіс — халықаралық дебат турнирінде қазақстандық команданың алғашқы жеңісі, әрі болашақ табыстардың негізін қалап отыр.
HTA Dragons — табандылық танытқан жартылай финалистер
HTA Dragons командасы да шешендік шеберлік, тапқырлық пен табандылық танытты. Команда бес іріктеу кезеңінің төртеуінде жеңіп, ширек финалды сәтті өткеріп, жартылай финалға шықты.
Сонымен қатар, жеке нәтиже бойынша 10-сыныптың үш оқушысы турнирдің үздік 10 спикері тізіміне енді. Олар командалық жұмыс пен жеке спикерлік қабілеттерін жоғары деңгейде көрсетті.
HTA жаттықтырушысы Алихан Казенов бұл турнирге тәуелсіз төреші ретінде шақырылды. Іріктеу кезеңдеріндегі төрешілік нәтижелерінің негізінде ол төрешілік брейктен өтіп, британ парламенттік форматы бойынша финалдық раундтарға төрелік ету құқығына ие болды.
Жаттықтырушы мен клуб қатысушыларын құттықтаймыз — біз сіздермен мақтанамыз!

Алматыдағы турнирдегі маусымдағы алғашқы жеңіс
2025 жылдың 1–2 наурызында Алматыда Туран университетінің ұйымдастыруымен Turan Schools Debating Championship халықаралық дебат турнирі өтті. Турнирге 9 елден келген 150-ден астам спикер қатысты.
HTA Eagles командасы жеңіске жетіп, турнир чемпионы атанды, ал HTA Phoenix командасы барлық бес іріктеу кезеңінде жеңіске жетіп, жартылай финалға өтті.
Бұл — маусымдағы біздің командалар үшін алғашқы жеңіс болды және болашақ табыстарға жол ашқан маңызды қадамға айналды.

HTA-ның Стамбулдағы халықаралық дебюті
2025 жылдың 18–20 қаңтары аралығында Стамбулда Eurasian Schools Debating Championship турнирі өтті. Оған 20 елден 300-ден астам спикер қатысты.
Бұл — HTA командалары үшін алғашқы халықаралық тәжірибе болды. HTA Sharks командасы үш іріктеу кезеңінде жеңіске жетті, ал HTA Snow Leopards командасы екі раундта жеңіске жетті.
Турнир оқушылар үшін тәжірибе жинауға және халықаралық төрешілерден кері байланыс алуға үлкен мүмкіндік берді. Бұл кейінгі турнирлердегі нәтижелерге оң әсер етті.
Бұл жетістіктер тек тынымсыз еңбек пен дайындықтың ғана емес, сонымен қатар біздің дебатерлердің даму мен жетілуге деген ұмтылысының жемісі болды. Мақтан тұтамыз және шын жүректен құттықтаймыз!