Байланыс деректері
KZ
High Tech Academy-ға қалай түсуге болады?
Қадам бойныша оқуға түсудің үдерісі
Мектепалды даярлық
Әдістеме, күн тәртібі, оқу құны мен жеңілдіктер
Бастауыш мектеп
Әдістеме, күн тәртібі, оқу құны мен жеңілдіктер
Орта және Жоғары мектеп
Әдістеме, күн тәртібі, оқу құны мен жеңілдіктер
Сұрақтар мен жауаптар
Мектеп бойынша бейне тур
Оқушылар мен ата-аналардың пікірлері
Байланыс деректері
Қадам бойынша оқуға түсудің үдерісі
1-ҚАДАМ: Мектеп туралы ақпарат алуға өтінім
HTA туралы толық ақпарат алу үшін өтінім қалдырыңыз.

Карантиндік шараларға байланысты мектеп алдын ала жазылусыз экскурсия жүргізбейтінін және қонақтарды қабылдамайтынын назарға алуларыңызды сұраймыз. Мектеп бойынша бейне турды қарай аласыздар.
2-ҚАДАМ: Сұхбатқа өтінім және төлем
Сұхбатқа өтінім келесі санаттар бойынша беріледі:
  • Мектепалды даярлық және 1-2 сыныптар
  • 3-11 сыныптар

Сұхбатқа өтінімінде өтініш берушінің байланыс деректерін және оқушы туралы негізгі ақпаратты көрсету қажет. Сұхбат үшін төлемді мектеп өтінімді растағаннан кейін төлеуге болады.

Сұхбат құны:
  • Мектепалды даярлық, сондай-ақ 1-2 сыныптар – 20 000 теңге;
  • 3-11 сыныптар – 15 000 теңге.

Төлем әдістерімен HTA сайтында танысуға болады.
3-ҚАДАМ: Сұхбатты растау
Төлемді растағаннан кейін мектеп сұхбаттың күні мен уақытын белгілейді.

6-11 сыныптарға оқуға түсуге үміткерлер сұхбат алдында ағылшын тілінің деңгейін растау тестінен өтеді.
HTA Duolingo сертификатын қабылдайды.

Duolingo English Test — бұл ағылшын тілін білуге арналған онлайн-тест, оны 49 АҚШ долларына бір сағаттан аз уақыт ішінде өтуге болады. Сертификатталған нәтижелер тестілеуден кейін 48 сағат ішінде қолжетімді болады. Тестілеу шарттарымен Duolingo сайтында таныс бола аласыздар.

Тестілеу нәтижелерін сұхбат басталғанға дейін 24 сағат бұрын Duolingo сайты арқылы жіберу керек. Мұнда Duolingo English Test нәтижелерін жіберу жөніндегі нұсқаулықпен таныс бола аласыздар.
4-ҚАДАМ: Баламен және оның ата-анасымен сұхбат
HTA инклюзивті мектеп болып табылады. Болашақ оқушылармен сұхбат жүргізген кезде біз үшін мыналарға көз жеткізу маңызды:
  • Бала HTA-да оқу арқылы өзінің әлеуетін аша алады;
  • Мектепте оқушыны қолдау үшін қажетті ресурстар бар;
  • Ата-аналар мен балалар HTA философиясын, миссиясын, құндылықтарын және мектептің көзқарасын қолдайды.
Мектепалды даярлыққа және 1-2 сыныптарға сұхбат екі кезеңнен тұрады:

  1. Ата-аналармен кездесу
  2. Балаға арналған таныстыру күні

Ата-аналар баламен белгіленген уақытта келеді, мұғаліммен қысқа танысқаннан кейін бала сыныпта қалады. Ата-аналар Мектепалды даярлық басшысымен кездеседі. Кездесу шамамен 30-40 минутқа созылады.

Балаға арналған таныстыру күніне сабаққа қатысу, басқа балалармен ойнау және тамақтану кіреді. Таныстыру күнінің ұзақтығы – 3,5 сағат. Таныстыру күнінде бала мектеп психологымен де таныса алады. Таныстыру күні аяқталғаннан кейін ата-аналар педагогтан кері байланыс алады және мектепалды даярлық басшысына қосымша сұрақтар қоя алады.

Қабылдау туралы шешім қабылдау үдерісі:

Қабылдау туралы түпкілікті шешім баламен және ата-аналармен сұхбатынан кейін мұғалім, мектеп психологы мен бастауыш мектеп директорының орынбасарының кеңесі барысында қабылданады.

Оқуға қабылдаудың негізгі шарттары:

  • Оқушы жаңа білім беру ортасына бейімделу қабілетін көрсетеді;
  • Оқушы ағылшын, қазақ және орыс тілдеріндегі қарапайым нұсқауларды түсінеді және оларды орындай алады;
  • Мектеп баланың оқуына қолдау көрсете алады;
  • Мектеп оқушының табысты дамуына қолайлы;
  • Отбасы HTA құндылықтары мен философиясына қосылады және оның білім беру әдістемесін қолдайды.
30 минуттық сұхбат екі бөлімнен тұрады:


  • Баламен танысу және оған үш тілде оқу қаншалықты ыңғайлы екенін және осылайша High Tech Academy мектебінде оқудың пайдасы бар-жоғын анықтау үшін мектеп мұғалімдерімен кездесу.

  • Мектеп психологымен кездесу баланың қызығушылықтары, хоббиі, мінезінің күшті жақтары туралы білуге, баланы тиісті сыныпқа анықтайтын психологиялық портретті көруге және оның мектепке бейімделуіне болжам жасауға бағытталған.

Сұхбат жүргізу күні оқушы мен оның ата-анасы мектепті көріп, мектепті аралау барысында өз сұрақтарын қоя алады.

Қабылдау туралы шешім қабылдау үдерісі:

Оқуға қабылдау туралы түпкілікті шешім қабылдау үшін басшылық (бастауыш, орта және жоғары мектеп үшін – директордың тәрбие ісі жөніндегі орынбасары, мектепалды даярлық үшін – бастауыш мектеп директорының оқу ісі жөніндегі орынбасары) мұғалімдермен және психологтармен кеңеседі.

Оқуға қабылдаудың негізгі шарттары:

  • Оқушы жаңа білім беру ортасына бейімделу қабілетін көрсетеді;
  • Оқушы ағылшын, қазақ және орыс тілдеріндегі қарапайым нұсқауларды түсінеді және оларды орындай алады;
  • Мектеп баланың оқуына қолдау көрсете алады;
  • Мектеп оқушының табысты дамуына қолайлы;
  • Отбасы HTA құндылықтары мен философиясына қосылады және оның білім беру әдістемесін қолдайды.
5-ҚАДАМ: Мектеп шешімін ата-аналарға хабарлау
Мектеп ата-аналармен байланысып, қажет болған жағдайда өз шешімін және оның себептерін хабарлайды.

Егер мектеп баланы қабылдау туралы шешім қабылдаса, ата-аналарға білім беру қызметтерін көрсету туралы ұсыныс пен құжаттардың толық ақпараттық пакетін жібереді:
  1. Жарғы;
  2. Лицензия;
  3. HTA Handbook;
  4. Өзара әрекеттесу нормалары;
  5. Жолаушыларды тасымалдау ережелері;
  6. Ақылы негізде білім беру қызметтерін ұсынуға арналған шарт
6-ҚАДАМ: Ата-аналармен шартқа қол қою
Егер ата-аналар Шарттың барлық ережелерімен және HTA Handbook-пен келіссе, олар Шартқа қол қою және Шартта көрсетілген барлық қажетті алымдарды төлеу арқылы ұсынысты 5 (бес) жұмыс күні ішінде қабылдауы керек.

Шартқа қол қоя отырып, ата-аналар мектеп Жарғысын, мектеп қауымдастығы мүшелерінің өзара іс-қимылына қатысты High Tech Academy мектебінің саясаттарын, ережелерін және басқа да ішкі рәсімдерін алғанын және олармен танысқанын растайды.
7-ҚАДАМ: Қажетті құжаттарды ұсыну
Ата-аналар Шартқа қол қойылғаннан кейін 3 (үш) жұмыс күні ішінде келесі құжаттарды қолма-қол ұсынады:

  1. Өткен мектептен кету (шығу) талоны;
  2. Мектеп сайтында тіркеу нысаны;
  3. Туу туралы куәліктің көшірмесі;
  4. Баланың ЖСН;
  5. Ата-анасының жеке куәліктерінің көшірмелері;
  6. Ата-анасының жұмыс орнынан анықтама (жалақысын көрсетпей);
  7. Баланың суреттері 3*4 (қағаз және цифрлық формат);
  8. Баланың мінездемесі бар оқушының жеке ісі;
  9. Денсаулық паспорты;
  10. № 26 медициналық нысан;
  11. № 63 медициналық нысан;
  12. Баланың жас тобына сәйкес медициналық алдын ала тексеруден өту туралы анықтама;
  13. Алдыңғы оқу жылдарына табельдер (1-сыныпқа түсушілерге қатысы жоқ);
  14. Негізгі білім алуды аяқтағаны туралы аттестат (тек 10 және одан жоғары сыныптарға түсушілерге қатысты);
  15. Ағылшын тілі деңгейі туралы сертификат (тек 6 және одан жоғары сыныптарға түсушілер үшін, Duolingo, TOEFL, IELTS және CEFR жүйелерінің сертификаты)
Әкімшілік ассистент барлық құжаттарды жинап, оларды қабылданған Құжаттар тізіліміне енгізеді, оған Ата-аналар мектепке тіркелу үшін қол қоюы керек.

Мектеп толық құжаттар пакеті болған жағдайда оқушыны қабылдайды.
8-ҚАДАМ: Құттықтаймыз! Оқушы мектепке сәтті қабылданып, барлық мектеп жүйелеріне енгізілді